Kristong Hari

     Ang utos ng hari dapat hindi binabali!... Ito ang laging umaalingawngaw na panawagan ng aming assistant parish priest na si Fr. Jun tuwing siya ay nagmimisa mga dalawang linggo bago sumapit ang kapistahan ng Kristong Hari. Ikinampanya niya ang pagkakaroon ng Holy Hour bilang vigil sa Sabado ng gabi bago ang Feast of Christ the King at dapat na daluhan ng mga mananampalatayang katoliko sa aming parokya kung si Kristo ang totoong hari sa kanilang buhay. Dahil sa masigasig na pagpapaalala ni Fr. Jun, marami ang nagsipagdalo sa Holy Hour/Vigil na ginanap noong Sabado ng gabi, November 24, 2012. Nag-umapaw ang simbahan sa pagdagsa ng mga mananampalataya at sold out ang mga kandilang ibinenta para sa vigil prayers na kung saan inialay din ang mga ito sa altar sa may harapan ng naka-expose na Blessed Sacrament bilang pagsuko kasabay ng mga taimtim na panalangin ng mga prayer requests. May mga invited speakers na nagsipagbahagi ng pagpapatotoo sa kanilang buhay na siyang lalong nagpasigla sa pagdaraos ng vigil. Nagkaroon din ng video clippings presentation kasabay ng mala-anghel na pag-awit ng Knights of Columbus Choir na nakatulong para sa pagninilay-nilay ng mga dumalo. Ipinasok sa loob ng simbahan ang malaking imahe ng Kristong Hari at nagwakas ang vigil sa pamamagitan ng isang Kumpisalang Bayan.

                           

             

                   

     Linggo ganap na ika-apat ng hapon November 25, 2012 ay nagkaroon ng prosisyon sa aming parokya. Sa unang pagkakataon ay isang malaking image ng Kristong Hari ang ginamit sa halip na ang nakaugaliang Blessed Sacrament ang ginamit sa prosisyon alinsunod sa kautusan ng aming Diocese. Maraming mga mananampalataya ang sumali sa prosisyon na siyang nagpabagal sa daloy ng trapiko sa mga nadaanang mga kalyeng pampubliko ngunit hindi kinakitaan ng pagrereklamo ng mga drivers bagkus ay nakiisa at tumulong na mapaluwag ang daloy ng trapiko. Habang dinarasal ang Santo Rosaryo kasabay ng pagpoprosisyon ay damang-dama ang kaligayahn sa bawat puso ng mga deboto na karamihan ay miyembro ng mga iba't-ibang religious and mandated organizations.
     Ang kapistahan ng hari ang pagtatapos ng bawat liturgical calendar year ng Simbahang Katoliko. At susunod dito ang pagsimula na naman ng bagong liturgical calendar year na kung saan mag-uumpisa na ang Advent Season para sa pagdating ng Mesiah sa Araw ng Pasko... Viva Cristo Rei!... Live into our hearts forever!....